同學心聲
2012-2016
Shane Pang - Math 5** / M1 5* / Phy 5
Tutor: Mic, Jay
理學嘅老師好了解每一個學生，可以針對每個學生嘅資質、進度因材施教。而且理學老師同每個學生亦師亦友，亦會不時update一啲科學，天文嘅知識，不但令學生成績進步，學科以外嘅見聞亦有增益。
Adrian Ip - Math 5** / Phy 5* / Chem 5
Tutor: Mic, Jay
Jay哥教得D 野好易明, Physics 同 Chemistry d好深既concept, 佢一講我就明,令到我好快就知道嗰課既重點
Mic 哥好清楚數學既考試題型, 我考DSE 之前好彩有佢俾 d常出既題目我做, 最終我先可以考到好成績!
而且Mic 哥同 Jay 哥都好好人, 好樂意解答我既問題, 係DSE 前仲額外幫我加操, 我真係好多謝佢地兩個啊!!!
Eric Cheung - Math 5* / M2 5* / Phy 5
Tutor: Mic, Jay
我係由中五升中六個年嘅暑假開始補Mic哥(Core+M2)同Jay(Physics)，個陣覺得好似好快就考DSE咁，但係自己平時個人懶散，上堂又唔太專心，所以開始有啲擔心，加上我大學想入UST主修Physics，UST好睇重數學同理科，如果我Math同Physics都差嘅話根本冇可能入到，不過好彩嘅係個年暑假揾咗Mic哥同Jay補習，首先去佢地道補習可以比咗一個固定嘅時間我補習，或者叫有個時間温書喇，而且理科黎講一定係小型補習社好，佢地可以因應學生唔同程度同唔識嘅野黎教同比練習我做，相比起大型補習社嘅單向式教育好得多，仲可以由唔明問到明為止，去大型補習社一定做唔到。而且佢地嘅教學方式同學校唔同，佢地會用一啲特別而且深刻嘅方法令我記得啲野或者明咗啲原理，例如Physics入邊我一直分唔到諗方向個陣幾時用左手幾時用右手，但係Jay教我諗男左女右，左手男仔係整力(電磁整力)，女仔右手係放電(磁力整電)，自始之後我就冇記錯過，十分深刻。至於練習方面，除咗有多年past paper同坊間嘅練習做之外，仲有好多唔同學校以至係名校嘅中六mock卷，除咗可以測試自己嘅能力之外仲可以集所有難題目於一身，即使係唔識，聽佢地講解完之後如果考試個陣遇番類似嘅問題都可以識答。如果我個陣冇去補佢地，我只可以話我一定冇我依家嘅成績，更加唔會入到科大！Thank you! Mic Gor and Jay!!
Katrina Pang - Phy 5* / Chem 5*
Tutor: Jay
我係呢度補左jaychow好多年，phychem同數都有上。尤其係中四揀左phy同chem既時候，記得初時有好多唔熟悉同埋唔明既部份都會問佢，佢都會用好簡單同好快既方法幫我清曬啲concept, 用日常生活上既野解釋啦，畫畫圖同mindmap甘。之後比好多針對性既練習你做，令我好快上手同進步，掌握到念野既方向同做題既技巧。因為係小班教學，仲有彈性既上堂時間，上堂有互動唔會悶之餘仲好有趣同輕鬆，上堂學到既野仲會令我加深左我對呢兩科既興趣添呀。多謝jaychow同理學教室!
Shireen - Chem 5*
Tutor: Jay
導師用深入淺出，又輕鬆的方法授課， 令學生於極短時間內清楚地掌握重點， 加上給予針對性的課堂練習，更可讓學生即時明白自己的不足
Michelle Lam - Maths 5 / Phy 5 / Chem 5
Tutor: Mic, Jay
我由form 3 開始跟jay chow補phy, chm, 跟mic哥補數。
Jay chow可以將phy chm入面複雜既concept講到好簡單易明。係張A4紙度寫幾隻字就表達到成課書既重點。有野唔識又可以隨便問，問到識，無論條問題幾低能都好，佢都會好有耐性咁講到我明為止。
Mic哥好熟悉數學每一課既內容，重點同特別既題型。佢除左可以好清晰咁表達每一課既concept, 重會提醒我地某啲題型要用special method, 等我地可以輕鬆咁完成考試各類既題目。
讀理科最重要係要做得多，熟悉唔同既題目。係Scimaths補習，輕鬆得黎又學到野，重可以好定時咁做練習，past paper同mock, 操到最佳狀態先去考試。而且每個星期都去可以打好基礎，防止唔識既野愈堆愈多，為DSE作最好既準備。係DSE考到理想既成績，入到hku nursing 真係好多謝jay and mic。
Isabella Leung - Math 5 / M2 5 / Phy 5
Tutor: Mic, Jay
係理學補左三年phy chem，Jay Chow上堂既時侯解釋得好仔細，針對唔明白既部分，佢用有別於學校上課既方法解釋，同時提供大量相關練習，方便我為DSE作充分既準備。
另外，我亦有補maths同m2,mic哥除左提供大量練習外，也幫我清了不少錯誤既concept，有時侯在課餘時間遇到唔識既難題，我會whatsapp比mic哥，佢都會好樂意幫我解答，同時會mark低一d我可能會唔明白既地方作重點解釋。
補左咁耐，Jay同mic哥都好亦師亦友，不時會搞笑一番，上堂既時候比在學校課堂更輕鬆,令我地可以在更愉快既氣氛下溫書，鼓勵我地要比心機考DSE，更提供不少升學建議，in SciMaths we trust!
Chloe Lam - Maths 5 / Phy 5 / Chem 5
Tutor: Mic, Jay
喺理學補習輕鬆又學到野，Jay 針對唔同學生嘅進度同能力用唔同方式教授，令我地明白當中概念，可以應付唔同嘅題目。而且Jay 同 Mic gor 都好有心教學生，由唔明講到明，加埋由淺入深嘅練習，鞏固學咗嘅嘢，應付考試更得心應手。
Roger Li - M1 5 / Phy 5
Tutor: Mic, Jay
記得中四的時候，我對Physics 一竅不通，甚至徘徊合格的邊缘，全靠Jay哥悉心教導及授予特別的技巧，令我在DSE奪取佳績，最終成功考入科大修讀心儀的生物化學系。此外，我的M1 全靠Mic哥精而準的教導，得到顯著的進步，令我由剛剛合格至中六名列前矛，最終亦在DSE得到不錯的成績。
Lau Kwok Hei Ken - Phy 5 / Chem 5
Tutor: Jay
Jay Chow係師兄介紹俾我既，一開始重諗緊補習咁死板會有用咩，點知我跟住就後悔懷疑了。
Jay Chow總會將Physics Concepts深入淺出咁解，老師教唔識既，Jay總可以令你輕鬆明白，再加埋D skills根本冇得輸。
Chemistry呢，Jay會你明白邊D要死背，邊D可以用skills唔背，重唔贏？如是者，physics chem要孖5打上就揾Jay Chow啦，你重等咩呀？
Lai Mong Hay, Hayski - Phy 5 / Chem 5
Tutor: Jay
理學教師有別於一般既連鎖補習班，佢地提供既小班教學更符合DSE考試既需要
尤其係math, physics, chem呢d重概念既科 DSE考生更需要透過小班教學去準確掌握各個課題既概念 因此呢個係我覺得理學教室最優勝既地方
Gntt - Phy 5 / Chem 5
Tutor: Jay
記得係理學上堂 一邊做pp 一邊聽住jay哥同mic哥d笑話 時間過得好快 有時做完份pp仲會同其他dse戰友討論下條題目 睇下有咩不足及改善 係輕鬆ge環境及良師益友皆備ge情況下 成功考取不錯ge成積 多謝jay哥同mic哥
Kam Shan Lau
Tutor: Mic
DSE前幾個禮拜先開始跟Mic哥補數，真係學到好多skill，做數都快左，而且每次上堂都聽唔明嘅3D，聽完Mic哥教，喺考試果時每條都做到。小班教學可以唔識就問，唔會好似大型補習社咁，淨係對住個mon，都無咩機會可以問tutor。
Shanice
Tutor: Mic
我係理學開辦初期既首批學生， 喺呢度補左兩年，我好鍾意呢度既學習氣氛，唔似一般既大型補習學校咁刻板同沉悶， 兩位老師都好風趣幽默， 用輕鬆既教學方式指導我，有助提高我既學習效率。我既記性比較差，經常忘記左佢地教過不只一次既內容，但佢地真係好有耐性，唔怕再多講幾次去提點我，只希望我牢牢記著，只係呢一點已經幫助左我不少。每逢考試前期，老師們都會額外加班，俾多啲時間我去複習自己較弱既課題，考試既成績亦都好滿意。單單以上呢幾點，我覺得自己好好彩曾經選擇喺理學補習。
Cheuk Ting
Tutor: Jay
中三下學期開始就跟Jay補phy, 本身連light個課都完全唔明,俾佢教兩堂已經追番晒上學期既進度, 所以繼續補,補到中六, Jay講解concept好清,唔明會講到你明為止,仲會根據你既程度而俾適合既練習操練, 係個好有心既補習老師!
謝希彤
Tutor: Mic
由細到大我嘅數學唔係咁好，喺小學同初中階段冇打好基礎，上到高中追趕課程嘅時候都幾吃力，喺學校上堂往往聽到一頭霧水，對數學一直都冇興趣。
而理學呢間補習社有別於一般嘅大型補習社，老師都係按照學生嘅個人需要施教，令我呢類一直落後嘅學生可以先打好基礎。同時，上堂時候氣氛輕鬆，老師同學生會開吓玩笑，有唔明白嘅地方又可以隨便發問，呢種學習風氣改變咗我對數學刻板嘅印象，提升對數學嘅學習意欲。理學又提供大量嘅練習，可以了解更多公開試會出到嘅題型，日積月累嘅練習令我應付試卷時腦筋轉快咗，數學呢科由負累變成可以幫助我入大學嘅科目。
理學係一間好著重同學生互動嘅補習社，加上上堂時間彈性，可以畀學生唔明問到明為止，照顧到唔同學生嘅需要，係一間真係以幫學生為本嘅補習社。
Au Mei Ting
Tutor: Jay
我係理學補習化學，上堂聽唔明嘅地方係度會得到詳細嘅解答，直至掌握到要領。另外導師會提早教課堂嘅知識，令我喺學校上堂時更容易明白內容。而且理學的學習環境輕鬆但認真，令我地可以喺愉快心情之中提高學習成效。
Kwok Pui Ting
Tutor: Mic
阿Jay同Mic哥都係好有心機嘅老師。我數學由細到大都好差，佢地願意由頭教過我，俾大量exercise我做，因材施教！我數學本身係lv1嘅程度，補完之後有lv4，全靠阿Jay同Mic哥。感謝!
Ann Yu
Tutor: Jay
讀Physics同Chem最緊要理解課本內容，上Jay Chow堂可以隨意問自己唔識或者唔明白嘅部分，佢好有耐性解到我明為止，仲會即時俾相關嘅練習我做！咁樣除左可以對症下藥，有互動亦都令課堂冇咁沈悶，補習都特別開心！
陶樂遙
Tutor: Mic
我喺理學教室由F5補到F6, 我學校有成6個人補, 見咁多人補就知係好野啦！毫無疑問係理學教室補習既時光係最開心的, 成日成班一路做數一路食野一路吹水毫無壓力, 仲有唔少得Mic Gor d笑話, 想講真係好爛, 如果以後可以少啲搭嗲會更好haha, 有時做做下聽到隔離枱Jay Chow d gag都忍唔住笑左出黎, 成個補習氣氛一流 輕鬆做數無難度, 但努力起做數上黎我地的確好認真, 自問我好蠢有好多野唔明基本上d paper最後啲LQ都唔會識, 但我係咁問Mic Gor都唔嫌我煩, 會解答我, 又教我好多skills, 唔明講到明, 做到停曬手又主動問我地係咪唔識, 係caring ge
仲有, 啲練習真係無限供應, 首先by topic咁做, 咩topic唔熟就做到爛為止, 然後又由CE做到DSE MC你知幾tricky架啦, 都會逐題教, 所以陷阱byebye, 老實講我dse前一兩個月真係chur到盡, 不停拎卷做不停問都無嫌過我煩, 全能Mic Gor仲好就我地時間, 住天水圍都仆翻去同我地補簡直一流啦
老老豆豆, 補完我成績真係好左好多, 數學全班頭三唔係講笑, 補習個陣又開心輕鬆, 好開心補左兩年
Chun Wing Yeung
Tutor: Mic
認真講句...理學教室真係...嗰兩個老師的教學方法真係...冇得頂！
我就系啱啱嗰屆嘅dse考生，呢家考完終於入到Poly.如果我冇補Scimaths,我就要讀毅進喇。
我就補數學一科嘅，呢度同其他補習吾同嘅地方就系價廉物美，幾平都唔係個point，老師用心先係要點，Mic Gor一堂收我少少錢，但見我進度太慢，幫我由11点補到夜晚9點！大佬，邊到揾呀？
老師同學生打成一片！我地都會當佢地fd, 毫無保留問佢問題, 自然所有積結全解！我起學校exam,test, quiz, 全部都勁到痺, 全班同全級最尾！expected level 都攞U同1.補過咁多間補習社, 名師同私補都試過, 都係冇變, 係都及格唔到, 個個都冇我辦法...
直到我遇到髮型尖尖, 臉蛋圓圓, 眼晴誘人, 鼻樑挺挺, 嘴唇厚厚, 聲音温柔, 肌膚潔白嘅Mic Gor, 佢叫我絕望嘅樣, 同我講, 你差小小炸, 唔使擔心喎, 你得嫁。無論我幾懶, 佢都耐心教我, 仲專攻dse paper, 令我摸熟題型, 考試嗰陣, 我没有半點淆, 因我知我盡了本份, 結果合格左, 都比左身邊老師同同學一個驚喜！
唔好話我賣廣告, Better Mic, Better me!
仲有, 隔離枱嗰個靚仔Jay gor, 都好鬼正, 可以令唔鐘意Science嘅人好快改觀, 因為佢講野勁抵死勁搞笑！
得罪講句, 你地啲凡夫俗子唔識貨, 補埋啲名師話人地好多5**, 其實大部分人都系自己本身勁, 入黎攞下tips炸。補習嘅原意就係彌補下嘅知識同技巧, 有老師用人聲逐個指導先係正確！總之, 補理學教室, 你嘅人生就近成功一步！